Natalino Piugattuk: Pinnguangungmat nusuksinasuktumut suurlu tagva igluvigaułłaruni
igluvigarmiikkutta nirukilluni tagva nusuksinasuglunga
una naqiluarnikumut tappaunga iglumut kapputiluni.
Kina sannginiqsaujariaksanganik qaujinasukłutik
ingna mauna qikturangittaraangami uvani napijaraangami
tappaunga iglumut kapputijałłuni. Deborah Qaunaq: piksikłuni.
Unikkaaksaqatuinnaqtunga taimanna pinnguaqtunit atuqtautuinnasuungullutik
amma qaggimi atuqtaulausuungugillutik. Imannali saalagiqattautijumallattaaqłutik qaggimi.
Deborah Qaunaq: Qaggialungmi?
Natalino Piugattuk: Ii, Qaggimi. Qilaujjaqtullu makua
taimannaittut. Angutiinaak kuniqattautisimasungaraangamik kisiani
saalaksaqtuqarluni imannaujariaqarmat. Qaggimi atuqtaulausungasuungungmijut
angutiinnaak immingnut uggunaqattautisimasungarutik kisiani
saalaksaqtuqarluni taimanaittumi aksurualummarilirlutik saalaksarasuglutik.