Natalino Piugattuk: Nikpaqniaq aputiqaqtumi nikparniaqłuni [quiqsuq] taissumunga aggaallalauqługu
aggaallalauqługu angmajua taingna, takanna agluup angmajua
suraktailimagamiuk taassumunga aggakłuniuk aqiglingmat piijaqpallialluniuk
nalunarunniirmat, nipiqarniarmat saaglivalattijuq. Taingna
una apummik aggalauraluaqłuni takununga qagliguni
nilauvalattilirluni. Tagva angmaqsimanngilaq taima aglu
nilauvalattiliqłuni taassumunga suli aggakkaluaqługu
aput aggaglugu nilauninganut tikinnami nilauvalattilirmat
taassumunga angmaarjukulugasukługu nuvukuluanut angmaarjukulugasukługu
taimanna angmajuqalirmat asianittauq taima aniqsaaqturninganut
taissuma angmajuup nalunajjaangimmingmat kapigiarniarmat aglu taingna
nikpaqtaq. Taanna taimannaitturijaujuviniq.
Atuqtaujuq qaujipillattaqsimagakku
nikpassuujakkaunngittukuluugamali, taassuminga taima atuqtuq
qikirriiqsigami, ikarraangnik kisiani taima marruungnik nikparajaqłuni.
Qikirriuqqaugamiuk nilliatittiruluujaqłuni qikirriuqqaugamiuk
ikkarraangnik kisiani marruungnik nikparluni nattiq tagvunngarunnaqsitainnarajarmat.