Deborah Qaunaq: Taakkua sauniungmata. Tuktuup ukuttikuluata, aniga Qaunnaq
taimaittuqaqpalauqtuq pinnguarutaungmingmata.
Aiviup kaugaaluanik ququngallugu, nuvuqaqłuni, ipuqaqłuni
tiigarutiqaqpalauqtuq aniga Qaunnaq Ataatatta sanajjutilluniuk.
Aqiggit ukiukkut inuunikuviniit tappaunga nunaliarasukłutik.
Aujakkut inuunikuviniit Aggiarjuit tariungaarasukłutik
saalagiiqattautinasukłutik pinnguaqtualuuvalauqtut.
Tagva taanna taimaittukuluk tiigaqtaugami qangatalluni tauvunga
ullaktualuullutik parlavakłutik.
Taakkua tariumuaqtittijualuujaraangamik saalaksaqpakłutik.
Taanna isumagijara Haakirnut ajinga.
Taissumani makkuktuutilluta qanutuinnattiaq pinnguaqtualuuvalaurmata.
Taannattauq, taakkuattauq tagva pinnguarutauvalauqtut. aniga
Qaunnaq taimaittuqaggujualuulaurmat qaujimajjutigivara.