Deborah Qaunaq: Asuilaak, tagvaułłaliraluarivunga uirngukuluugama. Tagva ukua
taissumanialuk pilluatavinialuulauqsimangmata. Pillarialuulauqtut
pijunnautiqaqqaaqtinnatik. Una tuktuup nagguanga, nagguangata
kingulliik ilanga, tagvali taanna piksaqanngiluarnikumut
saunirulungmik taimaittuqaqpangnirmata. Una uuma ininga,
una kiillugu. Una uqummiqługu kingmiaqługu, Nanuulli
nagjungmiglu taimaittuqaqpangnirmata putusijjutiviniq.
Tagvali imannaunngittuq, imanna. Taakkua pilluataaluulauqtut
una sanaugaunngittuq, inuup sanaugarinngitanga nagguaruluup
tuktuup nagguangata ilagulua. Pillarik. Sanaugaunngittuq Inungmit
taimailingainnaqtuq. Taakkuak ajjigiik, taanna sauniq
tisiniunasuktuq uumunga tigliqtaqtailimajuq, una uijjaarmat.
Unalu, unalu una tisiniunasuktuq. Tagva taanna taimanna
atuqtauvalauqtuq. Ningiurma Pania, piruqsiavininga
taimaittumik sanannguaqłuni atuqattaqtuq qaujilauqtara.
Pillarialuuk taakkuak taissumani pillarialuulauqtuut una
saunituinnaruluk sanaugaujaangittuq, kingmik, kingmiagaq
kingmiagaq. Tukisinaqtualuk ai? Kingmiagaq, una mikinniqsakuluk
mikittukulungmik titiqsiliuruti putusijjutikuluk mikittukulungmik
una anginiqsamik putusijjuti, anginiqsamik putusijjuti
taakkua taissumanialuk pijjutiqaqqaaqtinnagit pilluataaluulauqtut
sanarrutiviniit. Niuqtuutit, kingmiagaq, putusijjuti. Tagva taimanna
tamanna nagjuungmat Nanuulli tulimaanganik piqaqtumik qaujilauqsimajunga.
Nanuup tulimaarulunganik taimaittuqaqattalauqsimajut.
Taimanna taakkua qaujisimajatuakka. Asiagut qaujisimanngiłłunga
taakkua taissumani pillarialuulauqtut sanarrutillarialuulauqtut
kisutuinnattiamut putusijjutiuvalauqtuit taimanna kisiani
niuqtuutit, niuqtuutituanguvalauqtuit tamakkua.
Kikiakuluułłaqpuq, taissumanili saunaarnik, saunaarniujuksaujuq
uluksarnaniglu ujaragulungnik tisijugulungnik piqaqpaktuksaujuviniit
taikkua taimannatuaq qaujisimajakka, ukua akuni uqausirijunnanngitakka
tagva nalunaituinnaqpakka taakkua taimannaittuuninginnik.
Ikuutarmut paatuliiqaqtullu uajamullu atulirmata Qallunaat pirulunginnik
atulirmata