Natalino Piugattuk: Taakkua tasirmi, sikumi iqalugasuutiviniq, tuuq. Atiqaqłutik tuurmik.
Nagjungmik sanasimagaluarami kiinaqaqłuni, kiinaliqsimalluni
qirniqtuunajaqtuugaluaq uluksarnauguni, qirniqtumik uluksarnamik
kiinaqaqłuni. Tasirmutuinnaq atuqtaujuq. Suurlu tagva isigaak marruuk
tasiq ijjuqtitigituaraangami angmagaksaujunniiqtualuuvangmat.
Tuuqaqłuni, tuuqługu aksurunngiłłuni suraktailimagillugit
taakkua tuuqłuni angmagaksauvakłuni iqalugasungniaqłuni.
Taakkua taimanna imiqtarniaqłuniluunniit taakkuak taimannaittumik sanajausimajuviniik.
Tamarmik tuungujuinnaujuuk atausirmik tagvunngaqsijuqaraluarniruni
suqutaunajalaunngittuugaluaq. Tamaani sikulisaaqłuni saasungaqłuni
tappaunga iqalulik... ikkannirmiilaupillasuungungmata
tasiit sikulisaaqtillugit. Ijjuqtippat taununga sattiksikkannirniatuinnaqłutik
alianaigijauluannguaqpalaurmingmata tamakkua tuut, tuukatakłuni
saasungaqtillugu iqaluit natiqaqtumiinninginni takuksauttiajammata
iqaluktaukatagasukłutik.
Suli taimannattiaq mattittautinut, maannali tuuriliqtavut
mattittausirniaraluaruttaluunniit tuuqainnarluta kisiani
tuuqainnarluta kisiani mattittausirniaraluarutta
aulasajjaanngiliraluarutta mattittausirniatuarutta
tuurmik kisiani aturluta. Taimannaittuujuq.