Deborah Qaunaq: Asuilaak, taakkua qaujimattiaqtakka. Una, nutaqqavut quiqattalauqsimangmata
amirmik nangiqaqłutik quiviqaqpanngittualuulaurmata. Itirurmut
qaluutaułłarami, qaluutaułłarami. Tasiuktirutiunngitturli suraksaraimmat.
Tasisiutaunngittuq. Qaluuti. Tasiuktirutaunngittuq qaluuti.
Imaqaqtumut amiq immak. Masaukpat issianik issiijaijjuti.
Qaluuti. Una uuktuutivinitiq. Nirujjutaunngittuq.
Nirijjutaunngittuq uuktuuti. Qisingnik sanalluni ugvaluunniit
pualuksanik pilaksijjutiviniq. Uuktuutikuluk. Nirijjutaunngittuq uuktuuti.
Una Ivalu tuktuup nukinga pirraqsimajuq ivalu miqsuruti.
Taissumani tupiksaalungmik qisialungnik miqsuqpalaurmata
makua maunga aannijjaikkutiit. Amikłijjaikkutiit.
Una iqiqqurmut, una mikilirarmut. Ivalumut tupiksaalungnik
miqsuqłutik makua sutikkiqattaqłuni aanniq... amikłijappalaurmata.
Aanniriikkutauvaktut taakkua. Amiijjaikkutiit ivalumik tasiktialukłuni
kisiani imaittuqaqłuni. Una Tikiq. Miqsuqłuni, tikiqaqqaaqtinnagit
Ugjuup qisikulua. Ugjuup aminga. Tikiq miqqutimut, una ivalu,
una aannijjaikkuti. Amiijjaikkuti, una iqiqqurmut una uumunga.
Qisialuit, tupiksaaluit, qarmamut uliksaliuliraangamik qisialungnik
taakkuninga atuqtualuuvalaurmata taissumani. Qallunaaqtat tamajjauqqaaqtinnagit
tagvali upirngaksaanngurmat nattiit mamaaliqtillugit uuttuukatalirmata
tupiksamingnik piurarasuliqput. Paniqtippalliallugit. Paniqtitauvalliallutik
upirngaamut aujamut, qisingnik. Ukiunguliqpat qarmaup uliksanginnik
qisialungnik miqsukatalirutik taakkua atuqtauvalauqtut.
Pirraqsimajualungnik nukialungnik Ningiura Ilupaalik qaujiqattalauqtara
pirraijuq miqsurutiksaminik, qarmamut uliksamik qisingmik. Qaujivalauqtara.
Tuktuuttauq niungata uliusingataluunniit ivalua.
Tuktuup nukirujungit ivaluuvalaurmata atuqtualuuvalauqtuit.
Una uuktuuti. Una Qaluuti, amiq alliniuguniluunniit
masaukpat issiijaijjuti. Qaluuti tasiuktirutaunngittuq. Qaluuti.